30جون سے مختلف شہروں 

میں موسلادھار بارش کا امکان، محکمہ موسمیات

ملک کے مختلف شہروں میں 30 جون سے 4 جولائی تک گرج چمک کے ساتھ موسلادھار بارش کی پیشگوئی کی گئی ہے۔ 

محکمہ موسمیات کا کہنا ہے کہ 29 جون سے مرطوب ہوائیں ملک کے بالائی علاقوں میں داخل ہو رہی ہیں، رواں ہفتے کے آخر میں یہ ہوائیں شدت اختیار کر کے ملک کے جنوبی حصے میں پھیل سکتی ہیں۔

محکمہ موسمیات کے مطابق 30 جون سے 4 جولائی تک اسلام آباد، کشمیر اور دیگر بالائی علاقوں میں جبکہ یکم جولائی سے 4 جولائی تک کراچی، حیدرآباد، ٹھٹھہ، بدین سمیت دیگر علاقوں میں گرج چمک کے ساتھ بارش کا امکان ہے۔

محکمہ موسمیات نے بتایا کہ بلوچستان کے علاقے ژوب، زیارت، خضدار، لسبیلہ میں بھی گرج چمک کے ساتھ بارشوں کا امکان ہے۔ 

اسلام آباد، لاہور، راولپنڈی میں موسلادھار بادش سے اربن فلڈنگ کا خدشہ ظاہر کیا گیا ہے۔ جبکہ کراچی اور حیدرآباد میں بھی اربن فلڈنگ کا خدشہ ہے۔

موسلادھار بارش کے باعث کشمیر، خضدار، لسبیلہ میں ندی نالوں میں طغیانی کا بھی خطرہ ہے جبکہ ممکنہ بارشوں سے کشمیر، گلیات اور مری میں لینڈ سلائیڈنگ کا خدشہ بھی ظاہر کیا گیا ہے۔ 

محکمہ موسمیات کا کہنا ہے کہ بارشوں کا پانی چاول کی کاشت کے لیے مفید ہوگا۔

اس کے ساتھ ساتھ محکمہ موسمیات نے متعلقہ اداروں کو الرٹ رہنے کی ہدایت بھی کردی۔

ویب ڈیسک:ملک کے مختلف علاقوں میں آج موسم خشک رہے گا، سندھ اور بلوچستان کے کچھ علاقوں میں موسم شدید گرم رہنے کی پیشگوئی ہے۔

اس حوالے سے محکمہ موسمیات کا کہنا ہے کہ آج اسلام آباد سمیت صوبہ پنجاب کے بیشتر علاقوں میں موسم گرم اورخشک رہے گا۔صوبہ خیبرپختونخوا، سندھ اور بلوچستان میں بھی موسم گرم اورخشک رہنے کی اطلاعات ہیں۔

دوسری جانب شہر کا موسم گرم اور مرطوب رہے گا جس دوران زیادہ سے زیادہ درجہ حرارت 36 ڈگری سینٹی گریڈ ریکارڈ ہونے کا امکان ہے۔محکمہ موسمیات کے مطابق شہر میں سمندری ہوائیں تاحال معطل ہیں تاہم مطلع جزوی ابر آلود رہے گا ۔محکمہ موسمیات نے بتایا کہ 30 جون سے مون سون کا پہلا اسپیل براستہ تھرپارکر سندھ میں داخل ہوگا  جس کے بعد 2 یا 3 جولائی سے کراچی میں مون سون بارشوں کا باقاعدہ آغاز ممکن ہے۔

سعودی عرب میں 56 اقسام کے سانپ پائے جاتے ہیں (فائل فوٹو: ٹوئٹر)

سعودی عرب میں موسم سرما کے دوران سانپ نظروں سے اوجھل ہوجاتے ہیں۔ نایف المالکی جو سانپوں کے احوال و کوائف پر گہری نظر رکھتے ہیں، اس حوالے سے ان کا کہنا ہے کہ سانپ سردی برداشت نہیں کرپاتے اس لیے جان بچانے کےلیے بلوں میں گھس جاتے ہیں۔  

’العربیہ نیٹ‘ کے مطابق المالکی کا کہنا ہے کہ موسم سرما کے دوران مملکت کے ایسے مقامات جہاں آب و ہوا معتدل ہوتی ہے۔ دن کے وقت سورج غروب ہونے سے پہلے اپنے بلوں کے اطراف رینگتے نظر آتے ہیں۔

جیسے جیسے سردی بڑھے گی اور موسمی بارشیں زیادہ ہوں گی ویسے ویسے سانپ غائب ہوتے جائیں گے۔  

المالکی نے خبردار کیا کہ بارش اور سیلاب کے زمانے میں لوگوں کو چاہئے کہ وہ محتاط رہیں۔ اس دوران سانپ پناہ گاہوں کی تلاش میں بلوں سے نکلتے ہیں اور جو ان کے راستے میں آتا ہے اسے ڈس لیتے ہیں۔  

المالکی نے مزید بتایا کہ سعودی عرب میں 56 قسم کے سانپ پائے جاتے ہیں۔ زیادہ تر معتدل آب و ہوا والے مقامات پر ہوتے ہیں۔ مملکت کے مغربی ریجن سے لے کر جنوب بعید تک کے علاقے میں بسے ہوئے ہیں۔ صحرا میں بھی سانپ ہوتے ہیں لیکن ان کی تعداد کم ہوتی ہے۔  

https://www.urdunews.com/node/627801

غباروں میں جدید ترین ریڈیو ساونڈ سسٹم رکھا گیا ہے (فوٹو: ٹوئٹر)

 تبوک ریجن میں موسمیات کے قومی مرکز کی جانب سے’ریڈیو ساونڈ‘ سسٹم سے لیس غبارے فضا میں چھوڑے گئےـ 

سعودی خبررساں ایجنسی ’ایس پی اے‘ کے مطابق موسمیات کے قومی مرکز کی جانب سے فضا میں چھوڑے گئے غباروں میں انتہائی حساس ٹیکنالوجی پر مشتمل ریڈیو ساونڈ سسٹم لگایا گیا ہےـ 

غباروں میں موجود ریڈیو ساونڈ سسٹم کے ذریعے موسمی حالات کے بارے میں جامع معلومات حاصل کی جاتی ہیں ـ 

موسمیات کے قومی مرکز کی جانب سے جدید ٹیکنالوجی استعمال کرتے ہوئے چھوڑے جانے والے غبارے 115 فٹ کی بلندی پر معلق رہیں گے جن میں موجود حساس ریڈیو ٹرانسمیٹر سسٹم کی بدولت موسم کے تبدیل ہونے والے حالات سے فوری طور پر محکمہ موسمیات کو اطلاعات موصول ہوں گی ـ  

موسمیات کے قومی مرکز کا مزید کہنا تھا کہ غباروں میں موجود سسٹم انتہائی حساس ہے جس کے ذریعے سول ایوی ایشن کو بھی خطے میں موسمی تبدیلی کے حوالے سے درست اورجامع معلومات حاصل ہو سکیں گی ـ 

https://www.urdunews.com/node/628061

شدید برفباری کے باعث ایبٹ آباد سے مری جانے والے سڑک ٹریفک کے لیے بند کر دی گئی۔ فائل فوٹو: اے ایف پی

مری اور گلیات میں شدید برفباری اور ٹریفک کی خراب صورتحال کے باعث مقامی انتظامیہ نے سیاحوں کی گاڑیوں کو اسلام آباد سے ایکسپریس وے کے راستے مری جانے سے روکنے کا فیصلہ کیا ہے جبکہ وفاقی وزیر داخلہ شیخ رشید احمد نے سیاحوں سے اپیل کی ہے کہ وہ سیاحتی مقام کی جانب سفر سے فی الوقت گریز کریں۔

جمعے کی رات مری میں موجود چیف ٹریفک آفیسر (سی ٹی او) نے اردو نیوز کو فون پر بتایا کہ شہر میں شدید برفباری کے باعث ٹریفک کو رواں رکھنے میں مشکلات درپیش ہیں۔

ان کا کہنا تھا کہ ٹریفک پولیس، مقامی انتظامیہ اور موٹر وے پولیس کے اہلکار اسلام آباد سے مری آنے والے ٹریفک کو رواں رکھنے کے لیے سرگرم ہیں تاہم شدید برفباری اور پھسلن کے باعث سڑکوں پر گاڑیاں پھنسی ہوئی ہیں۔

چیف ٹریفک آفیسر کے مطابق اسلام آباد مری ایکسپریس وے پر سترہ میل ٹول پلازہ سے داخل ہونے والے سیاحوں اور ڈرائیورز کو موٹروے پولیس اہلکار شدید برفباری اور بے پناہ رش کی وجہ سے واپس بھیج رہے ہیں۔

ادھر اسلام آباد اور راولپنڈی کی ضلعی انتظامیہ نے ٹریفک پولیس کے ساتھ مل کر سیاحوں کی مزید گاڑیوں کو مری ایکسپریس وے کے راستے شہر میں داخل ہونے سے روکنے کا فیصلہ کیا ہے تاکہ پہلے سے موجود گاڑیوں اور ٹریفک کو رواں رکھا جا سکے۔

اسلام آباد انتظامیہ نے ایک بیان میں کہا ہے کہ مری جانے والے تمام راستے بند کر دیے گئے ہیں۔ ’یہ فیصلہ مری میں سیاحوں کے رش اور ٹریفک جام کو مدِنظر رکھتے ہوئے کیا گیا ہے۔‘

https://www.urdunews.com/node/633656