فاحد مصطفیٰ ماہرہ خان کی فلم قائیداعظم زندہ باد کا ٹریلر ریلیز کردیا گیا 

صائمہ نور نے تین سالہ یتیم احمد رضا کو گود میں اٹھایا اور پیار کرتے ہوئے آبدیدہ ہو گئیں 

شیخ الاسلام ڈاکٹر محمد طاہر القادری اسلام اور انسانیت کی شاندار خدمت کر رہے ہیں: سید نور کی گفتگو

سید نور، صائمہ نور نے گوشہ درود کا بھی دوہ کیا اور درود پاک کا نذرانہ پیش کیا

 لاہور(مزمل حسین)سے ممتاز ہدایت کار، رائٹر، فلمساز سید نور اور انکی اہلیہ معروف آرٹسٹ صائمہ نور نے شعبہ پبلک ریلیشنز کی دعوت پر منہاج القرآن انٹرنیشنل کے فلاحی ادارے ”آغوش آرفن کیئر ہوم“ کا دورہ کیا اور پورا دن یتیم بچوں کے ساتھ گزارا۔ سید نور اور صائمہ نور نے دوپہر کا کھانا یتیم بچوں کے ہمراہ بیٹھ کر کھایا۔ صائمہ نور معصوم بچوں کے ساتھ گھل مل گئیں اور انہیں پیار کیا۔ آغوش آرفن کیئر ہوم پہنچنے پر ڈائریکٹر کرنل(ر) مبشر اقبال نائب ناظم اعلیٰ نور اللہ صدیقی، عمران ظفر، ڈائریکٹر پبلک ریلیشنز شہزاد رسول، حاجی محمد اسحاق، عبد الحفیظ چوہدری، شبیر احمد، طیب ضیا نے استقبال کیا۔

صائمہ نور نے ساڑھے تین سال کے یتیم بچے عمر خان کو گود میں اٹھایا اسے پیار کیا اور آبدیدہ ہو گئیں۔اس موقع پر انہوں نے کہا کہ یتیم کا سہارا بننا سب سے بڑی عبادت اور انسانی خدمت ہے۔انہوں نے یتیموں کی تعلیم و تربیت اور کفالت کیلئے عظیم الشان ادارہ قائم کرنے پر شیخ الاسلام ڈاکٹر محمد طاہر القادری کو خراجِ تحسین پیش کیا۔

ڈائریکٹر آغوش کرنل(ر) مبشر اقبال نے بریفنگ میں بتایا کہ یہ آغوش آرفن کیئر ہوم 2005ء میں کشمیر میں آنے والے قیامت خیز زلزلے کے بعد بے سہارا بچوں کی تعلیم و تربیت اور کفالت کیلئے بنایا تھا۔ انہوں نے بتایا کشمیر کے زلزلے میں یتیم ہونے والے بچوں کی عمریں 5سے 7سال کے لگ بھگ تھیں اور وہ تمام بچے اعلیٰ تعلیم مکمل کرنے کے بعد باعزت روزگار پر ہیں۔انہوں نے بتایا کہ ایک یتیم بچے نے حال ہی میں فوج میں کمیشن حاصل کیا اور وہ آج کل کیپٹن کے عہدے پر ہے۔ کرنل(ر) مبشر نے مزید بتایا کہ آغوش آرفن کیئر ہوم یتیم بچوں اور بچیوں کا گھر ہے ہم ان کی شادیاں بھی کرواتے ہیں۔ سید نور اور صائمہ نورکو آغوش آرفن کیئر ہوم کے مختلف ڈیپارٹمنٹس اور رہائشی ایریا کا دورہ بھی کروایا گیا۔

سید نور نے اس موقع پر گفتگو کرتے ہوئے کہا کہ یہاں آکر مجھے اپنے خدا سے قربت کا احساس ہو رہا ہے، شیخ الاسلام ڈاکٹر محمد ڈاکٹر طاہر القادری نے جہاں بھی قدم رکھا وہ اپنی مثال آپ بن گئے مگر آغوش آرفن کیئرہوم میں یتیم بچوں کی کیئر دیکھ کر میرا دل خوشی سے جھوم رہا ہے۔ انہوں نے کہا کہ یتیم ہونا کوئی محرومی نہیں ہے، ہمارے آقا حضور نبی اکرم ﷺ بھی یتیم تھے اور انہوں نے پوری انسانیت کو تحفظ دیا اور وہ پوری انسانیت کیلئے رحمتہ اللعالمین تھے۔ سید نور اور صائمہ نور نے یتیم بچوں کے ہمراہ تصاویر بنوائیں۔

دریں اثناء سید نور اور صائمہ نور نے منہاج یونیورسٹی لاہور کا دورہ کیا اور وائس چانسلر ڈاکٹر ساجد محمود شہزاد نے انہیں خوش آمدید کہا اور منہاج یونیورسٹی کے تدریسی امتیاز پر گفتگو کی اور بتایا کہ یہاں 150 انڈر گریجوایٹ ڈگری پروگرام چل رہے ہیں۔

سید نور اور صائمہ نور منہاج القرآن کے مرکزی سیکرٹریٹ کابھی دورہ کیا اور کچھ وقت گوشہ درود میں گزارا اور حضور نبی اکرم  ﷺ کی شانِ اقدس میں درود پاک کا ہدیہ پیش کیا۔ مرکزی سیکرٹریٹ آمد پرنائب صدربریگیڈئیر(ر) اقبال احمد خان اور ڈائریکٹر ایڈمن جواد حامد، عابد بشیر نے انہیں خوش آمدید کہا۔

سید نور اور صائمہ نور نے منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری سے بھی ملاقات کی۔ سید نور نے چیئرمین سپریم کونسل سے گفتگو کرتے ہوئے کہاکہ منہاج القرآن اور شیخ الاسلام ڈاکٹر محمد طاہر القادری نسلوں کی تعلیم و تربیت اور کردار سازی کا ایک عظم فریضہ انجام دے رہے ہیں۔ انہوں نے کہا کہ اللہ رب العزت شیخ الاسلام اور ادارہ منہاج القرآن کو سلامت رکھے